Nows

Geen nieuws beschikbaar.

Agenda

11 januari 2020
12 januari 2020
18 januari 2020

Foto's

Now prinse vör Ni-jwieërt

In eine bomvolle Pinnenhof hebbe De Pinmaekers zondigmiddig 24 november de
now prinsepare 2020 gepresenteerdj.



Nowe Prins 2020

As nowe prins is de 31-jaorige Maikel Vaes gepresenteerdj
Prins Maikel I woeëntj same met zieën 29 jaorige prinses Anouk Raemakers.
Ut prinsepaar woeëntj op de Amalia straot in Budschop.
Maikel is in ut dageliks laeve werkzaam bi-j Marcel Wijen Pluimveebedrijf.
Anouk is werkzaam bi-j PSW as woeënbegeleidster.
De hobbie van prins Maikel is ut aafrichte van plisie hung en same hojje ze van gezelligheid met vrindje en zeen ze fanatieke vastelaovendj veerders.

Gein onbekindje
Prins Maikel is geine onbekindje in de vastelaovendj, in 2001 is hae ein van de ieërste jeugdprinse gewaesj van V.V. De Pinmaekers, en in 2020 veerdj de jeugdaafdaeling eur 22 jaorig bestaon.
DZN Maikel vormtj same met Daphne Scheffers al verschillendje jaore ut zangduo DZN.
Verschillendje kieëre wonne ze ut Ni-jwieërter lidjeskonkoer en in 2017 stonge ze
in de Halve finale van ut LVK.

Bonte aovundj
Prins Maikel speultj al verschillendje jaore mei-j tieedes de bonte aovundje met zieëne
groep Tis weej ut is.

Boorebroeëdspaar

In 2013 vormdje Maikel same met Anke Mertens ut boorebroeedspaar
van Ni-jwieërt

Adjudante

Ut prinsepaar zal waere bi-j gestange door drei-j adjudante met eur dames, te wete
Richard en Claudia Palmen, Johan en Loes van der Loo en Jeffrey Vaes & Marloes van Meel.



De prins zal ut seizoen veurgaon onger zieën devies:
Van kleins aaf aan, haaj ich mer eine wins,
Um heej oets te mooge staon as vastelaovendj prins

Hoeësorde

Prins Maikel heet as hoeësorde "De zingendje vastelaovendj gek" ingesteldj
Tieëdes zieën officiële regeerperiode, di-j met zieën receptie op zondig 12 januari 2020 begintj,
reiktj hae de orde oet.

Jubileum Jeugdprinsepaar
Jeugdprinsepaar 2 x 11


Net as anger jaore zal de jeugd van Ni-jwieërt weer nauw betrokke
waere bi-j de vastelaovendjviering.


Ut jeugdprinsepaar 2020 zal waere gevormdj door
jeugdprins Willem I (Pustjens) en jeugdprinses Lotte (Jetten).

Jeugdprins Willem I (11 jaor) is unne zoeën van Albert Pustjens en Yvonne Kuppens.
Hae heet eine broor, Wouter en ein zus, Maud.
Jeugdprins Willem woeëntj op Straoteris in Ni-jwieërt.
Jeugdprins Willem zitj in groep 8 van De Kerneel en zieën hobbies zeen:
Vastelaovendj veere en handballe.

Jeugdprinses
Jeugdprinses Lotte (11 jaor) is ein dochter van Frank Jetten en Annemieke Mertens.
Ze heet twieë zusse, Julia en Emma.
Same woeëne ze op de Kerneel in Ni-jwieërt.
Lotte zitj in groep 8 van De Kerneel en eur hobbies zeen:
Vastelaovendj veere, Judo en danse.



Adjudante
Ut jeugdprinsepaar zal waere bi-j gestange door adjudante Lisa Krijnen.
Lisa is ein dochter van Tino Krijnen en Sandra Mostert.
Ze heet eine broor, Tycho
Lisa is 10 jaor en zitj in groep 7 van basisschool "De Klimop" in Ni-jwieërt.
Eur hobbies zeen: "Vastelaovendj" veere, paerd reijje en speule met de hond Jill.

Ut jeugdpaar zal de Vastelaovendj in Ni-jwieërt veur gaon onger ut devies:
Met Jeugdprins Willem en Prinses Lotte,
wurtj 2 x 11 unne vlotte.
 

Ut jeugdpaar heet de orde van: "Ut fieëstendj pinke" ingesteldj.

Receptie

Ut jeugdpaar zal op Zaoterdig 18 januari 2020 ein receptie waere aangebooje in
De Pinnenhof Kapelaniestraot 4 in Ni-jwieërt. 

Van 18.00 - 20.30 oor wurtj ederein in de
gelegenheid gesteldj um ut jeugdpaar te felicitere.

Aansloetendj is d'r tot 23.00 oor groeët fieëst.