Nows

Veurverkoup BA kaartjes

Foto's

Buutte try-out 2018

Op Zaoterdig 27 Oktoeëber 2018 organiseere vae vör de 11e kieër unne try-out vör buuttereedners.

Dao zeen dit jaor mer leefst 11 buuttereedners di-j eur now kreasie prissenteere
2 van de 11 daelneemers hebbe me-j gedaon aan de workshops di-j
De Pinmaekers onger leiding van buuttekampioen Will Knapen verzörrege.

Kursus
Tiêdes de kursus hellepe de daelnemers dein danger bi-j ut maake van tekste,
ut krejeere van ut typetje, de opbouw van de buut en det alles onger deskundige leiding van de meister zellef.
Naeve de 2 buuttereedners oet de kursus doon der dit jaor nog  9 ânger buuttereedners me-j aan de try-out.

De buutte zeen nog neet ieërder te huuëre gewaesj.

De daelneemers dit jaor zeen:

Ton Laeven, Henrie van Geneijgen, Rob Princen, Koen van Soest, Kevin Evers
Charlie Wijen, Nils Naus, Theo Nellen, Helga Cornelissen, Bert Janssen
en Bjorn Smits.


                                                                  Enkele deelnemers 2018

Beoordeling
De veurdrachte waere beoordaeltj en van kommentaar vörzeen in de vorm van tips, deej de buuttereedners kunne gebroeëke bi-j de veurbereiding vör de veurrondes van ut Limburgse buuttekampioenschap.

Ut zal weer unne schoeëne aovundj waere as veurbereiding op ut now vastelaovundjsezoên.

De prissentasie es in hang van René Knapen

De aovundj begintj um  19.30 oor inne Pinnenhof en de zaal giet oppe um 19.00 oor.

De entree is € 5,00 en dao is geine veurverkoup.