Nows

"Ut Pinmaekerke"
Det Geveul schlager Ni-jwieërt 2018
Oetslaag Jubileum loterij

Agenda

5 januari 2018
6 januari 2018
7 januari 2018

Foto's

Woonsdag 22 november 2017 jubileum wichtermiddig

De wichter

De wichter van Ni-jwieërt  neme op woonsdig 22  november 2017 de aaftrap van oos jubileum met eine grandioze wichtermiddig. De middig stieet gehieël in ut  teiken van spel en show.

Alle wichter van de groepe 5 t/m 8  van de schole en vereniginge oet Ni-jwieërt kunne zich aanmelde.

 Spelle, schminke, dans en actie

Dao zeen diverse fantatische spelle wao de jeugd zich op kan oetlaeve in zoewaal  teamverband of als einling.D’r zeen Schminksters aanwezig en dao is ein optrejje van dansgroep de Aurelia’s. De middig zitj vol actie.

 Steltj zelf ein groepje same

Steltj met eur vrindjes of vriendinnetjes ein groepje same van 4 tot 6 persoeëne. Eedere groep moog zelf zörge vör ein eige originele groepsherkinning + groepsnaam. Dit kan al hieël eenvoudig door dezelfdje kleur kleijer, hoed, ketting enz. Laotj eur ideeë de vrije loup!

Ein groepje vorme is neteurlijk gein verplichting, gae kuntj ouch allein kome en ter plaatse same ein groepje vorme.

Aanmelde

Ut is de bedoeling det ederein zich veuraf aanmeldj zoedet de organisatie weitj weejvöl  persoene d’r mei-j doon. Binnekort ontvangdje via de school of vereiniging ein persoenlik formulier um uch aan te melde De aanmeldingsformuliere kujje veur 01-11-2017 inlevere bi-j eure meister of juf van de klas of vereiniging.

 Snoepzak en ranja

Neteurlik is d’r volop ranja en vör eedere bezeuker eine snoepzak.

 Gratis toegang

De middig is van 14.00-17.00 oor in de Pinnenhof en de towgang is gratis.

D’r is genog towzicht en de wichter moge tössedoor neet nao boeete.