Bôntje Aovundj.

Vervolgverkoup Bôntje aovundj kaartjes

Vanaaf maondjig 9 jannewaârie bi-j Bruna aan de Lambertushof.

Nao ein geweldjige serie bôntje aovundje in 2011 beloofdj ouch dees versie weer ein spektakel te waere.

Dao zeen 5 aovundj veurstellinge op 20, 21, 26, 27 en 28 jannewaârie en ein middig veurstelling op zondig 22 jannewaârie allemaol inne Pinnenhof.

Kaartjes vör 21, 27 en 28 jannewaârie zeen al oetverkochtj !

De aovundj veurstelling begintj um 19.49 oor (zaal ope um 19.00 oor) en de middig veurstelling um 13.11 oor. (zaal ope um 12.30 oor)

Groeëte groep me-jwerkers
Dit jaor is der weer ein gevarieerdj pregram met o.a. Björn Smits, Math Creemers en
Diana Peeters di-j eur buut tengehuuëre zulle brînge.

En neteurlijk zeen der weer sketches van de "Broeëdklabatters", Kom mer déh, Duo en Bak en ut inmiddels bekîndje "Duo Penotti" di-j alle gebeurtenisse in en rond Ni-jwieërt op de korrel neeme.

Ouch dit jaor is der weer eine nowwe groep "Vastgepintj", ze zulle met de noeëdige kolder ut publiek weete te vermaâke.
Naeve de nowwe groep is der ein verrassings akt
Wieter zal de nowwe schlager waere gebrachtj door De Ni-jwieërter Brelsterte. en danse de Aurelia's en Pantera's weer volop.

Uiteraard kunne de bezeukers ouch kinnis maâke met de nowwe prînse en prinsesse van VV de Pinmaekers. De muzikale begeleiding is weer in hang van hofkepel `Klein mer Neugter` en de presentasie wurtj verzörgtj door Dennis Hendrikx.

Entreekaarte koste € 10,00