Jeugd Raod van Ellef.

De Jeugdwêrrekgroep van de Pinmaekers es opgerichtj in 1999 en stiêt ônger leiding van unne wêrrekgroep.

De wêrrekgroep heet as doel um vastelaovundjactiviteite te organiseêre vör wichter tot en met groep 8.

De jeugd heet sinds înkel jaore unne eige Prîns en Prinses, en adjudant, mèr ouch unne eige raod van ellef. Alle leej-je zitte in groep 7 of 8 van de basisschool.

De jeugdraod wurtj via ut openbaar ongerwiês in de maondj september benaâderdj via inschriefformuliere, di-j ouch door aojers/verzörgers ongerteikendj motte waere. Alle lieërlinge van groep 7 en 8  van de Ni-jwieërter basischoole kriêge in Oktoeëber van de koördinator un formelier waome-j ze zich kunne aanmelde. De Pinmaekers zörrege vör steeks/capes en hesjes en de jeugd krigtj op eeder evenement înkel konsumpsies, zoeëdet eederein mej kan doon. De wichter di-j in groep 7 beej de jeugdraod koôme mooge ouch in groep 8 bliêve as ze det wille.

Jeugdraod van Ellef 2011-2012