Nows

"Ut Pinmaekerke"
Det Geveul schlager Ni-jwieërt 2018
Oetslaag Jubileum loterij

Agenda

5 januari 2018
6 januari 2018
7 januari 2018

Foto's

Opening sezoen

11 november 2017

Vastelaovundjvereiniging de Pinmaekers opentj ut sezoen op zaoterdig 11 november 2017

Um 19.22 uur waere de lede met partner, juniore, de dansmarietjes en alle belangstellendje verwachtj bi-j keffee De Schans in Ni-jwieërt.

Vervolgus  gieët ut veurop gegange  door hofkapel “Klein mer Neugter” in optocht nao Lambertushof.

Oppe Lambertushof is der ein fieëstelik pregramma en zulle de dansmarietjes, ein optrejje verzörrige in eur nowe pekskes.

Hoeëgtepuntj van de sirremonie is neteurlik ut plaatse van ut sezoens kunstwerk door aod prins Ron en prinses Nathalie en aod jeugdprins Jurn en jeugdprinses Lizzy

Ut kunstwerk de törf met zeve pin zal de hieële vastelaovundj symbool staon vör alle Pinmaekers.

Pintax

Al mieer dan 30 jaor make de Pinmaekers gebroek van eur eige verveurmiddel de Pintax.

De huidige Pintax is verslete en vervange vör eine nowe Pintax

Tieëdes de 11e van de 11e zal de nowe Pintax gepresenteerdj waere.

Boorebroedspaar 2018

Ouch dit jaor is de bekindjmaking van ut Boorebroeedspaar 2018 tiedes de opening van ut sezoen. Eder jaor wurtj ein waek veur de Vastelaovundj in Ni-jwieërt de Boorebroeluft gehojje en

komendj jaor vör de 40e kieër !

Ut boorebroedspaar zal bekintj gemaaktj waere op Lambertushof door de ambtenaar van de borgerlikke standj Giel Bruijnaers.

Weem dit jaor ut Boorebroedspaar zal levere is ein groete verrassing.

Nao de bekindjmaking zal ut boorepaar en femilie mei-j gaon nao de residentie um dao eine toast oet te bringe.

Residentie

VV de Pinmaekers hebbe vör ut komendje vastelaovundj seizoen keffee De Schans

as residentie.

Zoe wi-j gebroekelik wurtj dees op de 11e van de 11e geopendj

Ut Pinmaekerke

Vanaf de 11e van de 11e kan bi-j Residentie de Schans jubileumbier Ut Pinmaekerke gepreufdj waere, daonao is ut op mieër plaatse verkrieegbaar.

Installatie now lede

Nao de opening van de residentie zulle Ron Wijen en Ron Smeets officieël as now lid waere geïnstalleerdj, ouch waere de juniorlede Lizzy Bijlmakers Jurn Leenen, Bram Vlassak, Myron Beijes, Myrte Dehing en Stan van Dijck geïnstalleerdj.