Nows

Verkoup Bonte Aovundj kaartjes
Prinsheerlik verveur vör V.V. De Pinmaekers

Agenda

20 januari 2019
1 februari 2019
2 februari 2019

Foto's

Bontje Middig.

3 februari 2019

Nao de geweldjige serie bonte avondje van veurig jaor zeen de speulers d'r weer hieëlemaol klaor vör um weer unne aovundj lol en flauwekul op de planke te bringe.

Ouch dit jaor zeen d'r weer vieëf aovundj veurstellinge op vrijdig 1, zaoterdig 2, donderdig 7, vri-jdig 8 en zaoterdig 9 februari en ein middig veurstelling op zondag 3 februari 2019 allemaol in de Pinnenhof. Aanvang 19.49 en 13.11 uur.

Bekindje en now gezichte.

Ouch vör 2019 is d'r ein zieër gevarieerdj programma, met verschillendje bekindje, en now gezichte.

Waat te dinke van ut nowe duo "De Hilton's" met de sketch "Baeter eine gooj buur dan eine verre vrindj" Achmet en Toos zeen buure en woeëne bove elkaar in appartemente complex Noblesse aan de brökstraot en ze hebbe zoe eur eige gewuundjes.

Now is ouch ut duo Maikel en Peggy met Sollicitatiegesprek "Is det gelooge?"

Trök van weg gewaesj met unne jonge cast "De Krottepoffers" met ut stök "Dans-school Dans mer ietjes" wao in de sportschool zich weer komische momente aafspeule.

"Oos juniore" zulle dit jaor o.a de opening van de bonte aovundj verzörge, en zektj now zelf weem de jeugd heet, heet de towkomst.

De manne van "Vastgepintj" neme uch mei-j nao Groepspraktijk "Eure eige dokter is d'r toch noeets" en zoe wi-j gebroekelik zörge ze weer vör de noeedige hilarische momente en vreugtj men zich aaf weem now eigelik d'n dokter is.

Neteurlik moog de buutreedner neet ontbraeke, di-j uch weer allemaol lieetj lache.

Net as veurig jaor zal "Magic Bert" met zieëne assistent "Henk" weer ein act vol "knouwel" opveure.

Tjeu en Lei van de groep Onger Veurbehaod gaon dit jaor "Nao Winterberg" wao zich weer dol dwaze taferele aafspeule.

Lars en Ries neme uch mei-j nao "De witgoodwinkel Expert" wao der unne hieële heisa ontstieet over ein lempke.

De Kernalies neme uch mei-j nao de dagcamping in het stök "Effe d'r tösse oet" wao zich weer de noeedige flauwekul afspeultj.

Tis waat ut is met bringtj uch ut komische stök "Asj mer geine pruus is" Terwiel Vader Maikel niks oetveurdj aan ut Gardameer, zeuktj zieën dochter nao ein now leefdje..........of det gieet lukke?

Show

Naeve de diverse sketches en optrejes zal d'r ouch weer ein prachtige "showdansact"waere oetgeveurdj door X-Otic. Ouch moge de dansmarietjes, De Ni-jwieërter Pinkus neet ontbraeke

Meziek

Wieëter zal de nowe schlager gebrachtj waere door Celine Kuepers. Naeve de schlager zal d'r tieëdes de veurstelling volop meziek zeen.

Oos prinse

Gae kuntj tieëdes de bonte aovundje ouch kinnis make met de now prinse,van V.V. Pinmaekers.

De muzikale begeleiding is weer in hang van Hofkepel "Klein Mer Neugter"

Verkoup kaartjes

Entreekaarte koste € 12,00 en zeen zaoterdig 12 januari 2019 te koup tösse 17:00 en 18:00 oor bi-j Café De Kleine Winst in de Kerkstraot in Ni-jwieërt.

Vanaaf maondjig 14 januari gieët de verkoup wieéter bi-j Bruna aan de Lambertushof.

Zeetj d'r gauw beej want op is op.