Junioôre aafdaeling

Junioôre aafdaeling VV de Pinmaekers Ni-jwieërt

Circa twellef jaor geleeje besloot v.v. de Pinmaekers um de jeugd (± 12 jaor), mieër bee-j de vereiniging te betrekke, door ut oetroôpe van ‘n jeugdprînsepaar. Deze zet bleek un groeët suukses en wurtj tot op de daag van vandaag doorgezatte. Nao ’n aantal jaore begòs ut geveul beej de aod jeugprînse en prînsessen,  te kriebele um zich ouch zellef mieër vör de jeugdvastelaovundj in te zette. Toen Jack van Bilsen en Toos door WTV beloeëndj waerdje, vanwege heure groeëte inzet vör de jeugd, kwoom de aod jeugd weer met dein danger  in kontakt. Dit resulteerdje in ut idee um zich vanaaf now in te zette vör de toekomstige jeugprînse en prînsesse door de oetrooping en de abdikaâsie van ut jeugdprînsepaar te organiseêre. Dit woord gedaon ônger de naam Now Aod Jeugprinsepare Partee-j (NAJPPP), wao völ aod jeugdprinsepaâre zich bee-j aansloôte.

De aod jeugprînsepaâre woeë-je gaer aktief bee-j de vereiniging waere betrokke. De leêde van de NAJPPP veuldje dur völ vör um allemoal lid te waere van de vereiniging en mieër as ‘ne geïntegreerdje wêrrekgroep van v.v. de Pinmaekers nao veure te trea-je. Ouch waas ut de bedoeling det de groep neet eksklusief vör aod jeugprinsepaâre zoo-j zeen. Um dees reeje es gekoôze um de naam te verangere in Junioôre Aafdaeling van v.v. de Pinmaekers.

De bedoeling es det de groep op ’n schoeën meneer saâmewêrrektj, mer ouch zörgtj det de toekomst van de vereiniging gewaarborgdj es. Daonaeve zetj de groep zich neet mieër alleîn in vör de aktiviteiten vör de jeugd, mèr zetj ze zich ouch in vör de vereiniging. Dit wurtj gedaon, door te hêllepe bee-j de aanklei-ing van aktiviteite en het verkoupe van vastelaovundjsgezet “De Pinmaeker”. Op dees meneer, raaktj de Junioôre-aafdaeling vertrouwdj en geïntegreerdj bee-j de Pinmakers.

Ut besteur van de Junioôre-aafdaeling bestieët oet; Jeroen Peeters, Lotte Meeuws, Koen Roost, Lieke van de Wallen en Harm Vaas.Dees minse zulle zich op volle kracht inzette um ut ouch komendj sezoên tot ’n suukses te maâke.  

De junioôre-aafdaeling es heej me-j mieër dan allein ’n brök tösse jeugd en de senioôre. Ze zeen ongerdael van de vereiniging en zette zich in vör de waarborging van de toekomst van de vereiniging en de vastelaovundj in Ni-jwieërt.

- Veurzitter: Jeroen Peeters

- Sikkretaresse: Lotte Meeuws

- Penningmeister: Koen Roost

- Vertrouwespersoeën: Lieke van der Wallen

- Koördinator: Harm Vaas