Ooze Struktuur

Doelstelling:
De vereîniging bereitj ônger leiding van ut besteur gepasje Vastelaovundj aktiviteite veur, vör jonk en aod, um dees met höllep van völ vreejwilligers tot oetveuring te brînge, binne ut Vastelaovundjsezoên. Ze probeertj op dees meneer ut Kulturele êrrefgood te promoôte, voort te zette en over te brînge.

Struktuur:
Vastelaovundj vereinîging "De Pinmaekers" es volges twieë liêne gestruktureertj. Dao es eine bestuurlikke strukteur, en ein seremoniejeele strukteur.

Seremonieel:
- Vorst
- Prins en Prinses, Adjudante
- Raod van elluf.

Bestuurlik:
- Dageliks besteur; veurzitter, vise veurzitter, sikkretaris, penningmeister
- Overige besteursleeje
- Koördinatoôre vanne werkgroepe
- Leede vanne werkgroepe
- Kaskontraole kommissie
- Overige leeje

De vereîniging:
De vereîniging teltj momenteel 61 leede waovan:
10 bestuursleeje, 33 overige leeje, 11 juniorleede, 7 aspirant juniorleede

Van de leede wurtj verwachtj det ze zich tiêdes de veurbereiding en de oetveuring vanne aktiviteite nao behuuëre inzette.

Eeder aktiviteit wurtj veurbesprooke binne ut besteur, en wieter (per ongerdael) tot oetveuring veurbereidj door unne werkgroep, ônger leiding van unne koördinator. Deêze koördinator kan un besteurslid zeen, mer dit hooftj neet.
In eedere werkgroep es waall ein besteurslid vertegenwoordigtj, um de lienkes nao ut bestuur kort te hoaje.

De veurzitter leitj met ut besteur de vereîniging.
De Vorst leitj de raod van elluf tiedes aktiviteite in de Vastelaovundj-tiêd.
Jaorliks weurtj unne nowwe Prins gekoôze, dae zich terzijje lieet-j staon door adjudante en eine prînsebegeleider.