Nows

Oos Jubileum Programma
Loterij 4x11
Dansmarietje beej de Pinmaekers waere?

Agenda

26 oktober 2017
5 november 2017
11 november 2017

Foto's

De geschiedenis van de Pinmaekers

 

Oorsprong van de Vastelaovendj

De oorspróng van de Vastelaovendj in Ni-jwieërt kintj ’n lank verleje. Allein de meneer wao op en de belaeving van Vastelaovendj zeen door de jaore haer verangerdj. Schoeën veurbieëldje daovan zeen de klei-jing, de muziek, de bóntje aovendje, de borebroeleft, de optocht, mer ouch de vereiniging de Pinmaekers.   

De Pinmaekers

In Ni-jwieërt en umgaeving laag vreuger ’n hieël groeët hoeëgveengebied, wao völ minse van Ni-jwieërt heure schraole boterham bi-jein verdeendje met törfstaeke. Ouch haje völ minse nog ‘n eige törfveldje, wao ze törf stoke vör eige gebroeëk. Zoeë ouch Slumme Pier. Deze törfstaeker bedacht ’n meneer um tiedes ’t dagelank verblief in de Pieël bi-j de tied te blieve. Volges de legende stook hae edere daag   ‘ne houte pin in ‘ne törf . Bi-j zeve pin wist hae det ’t zóndig waas en tied um nao de kerk te gaon. Aan Slumme Pier danke de Ni-jwieërtenare dan ouch de bi-jnaam Pinmaekers. En ’t zal dan ouch nemes verbaze det de vastelaovendjsvereiniging zich daorum “De Pinmaekers” neumtj. ‘ne Naam dae de tandj des tieds heet doorstange en wao de Pinmaekers nog altied gruuëts op zeen.

De oorlogsjaore

In de jaore 40-45 kwaam van ‘t vereinigingslaeve over ‘t algemein neet zoeevöl terecht. Nao den oorlog woorte d'r völ vereiniginge oppernów opgerichtj. Zoeë ouch vastelaovendjsvereiniging "De Pinmaekers". 

Heroprichting

Nao de heroprichting heet de vastelaovendjsvereiniging zoeëwaal deepdje- as hoeëgtepunte gekindj. ‘t Groeëtste deepdjepuntj waas in 1972 en 1973. Toen vele zoeëwat alle georganiseerdje vastelaovendjsactiviteite  wèg. D'r woor zelfs geine prins of Raod van Elf mieër. In de herfst van 1973 woort de draod weer opgepaktj en woort d’r door ’n nów besteur ónger lei-jing van veurzitter en vorst Jaap Kaan nów laeve geblaoze in de georganiseerdje vastelaovendjsactiviteite. De vereiniging grujdje oet nao ‘n volwaardige vereiniging mèt ‘n  hieël rits activiteite vör jónk en aod.

Vae moôge gruuëts zeen op oos schoeën vereiniging!