Nows

Oos Jubileum Programma
Loterij 4x11
Dansmarietje beej de Pinmaekers waere?

Agenda

26 oktober 2017
5 november 2017
11 november 2017

Foto's

Juniore aafdaeling

 

Juniore aafdaeling V.V. de Pinmaekers Ni-jwieërt.

Aan ’t indj van de veurige ieëuw besloot V.V. de Pinmaekers um de jeugd (± 12 jaor) mieër bi-j de vereiniging te betrèkke. ‘n Groeët succes waas ‘t oetrope van ’n jeugdprinsepaar mèt heur adjudante en Raod van Elf.  En det ès tot op de daag van vandaag zoeë gebleve. Jack en Toos van Bilsen hebbe dao ’n groeëte rol bi-j gespeuldj.

Wi-j Jack en Toos in ’t zunke woorte gezatte in “Vlaaj van de waek” bi-j Wieërt TV, kwaam de aod-jeugd weer mèt deindanger in contact. En tów begós ’t geveul bi-j mennigein weer te kriebele en woort de bandj mèt de Pinmaekers weer aangehaaldj. De aod-jeugdprinsepare woeëje zich zelf mieër  gaon inzètte vör de jeugdvastelaovendj. En vanaaf det moment organiseerdje ze de oetroping en abdicatie van de aanstaondje jeugdprinsepare. Dit woort gedaon ónger de naam Ni-jwieërter Aod Jeugd PrinsePare Parti-j (NAJPPP).

Völ aod-jeugdprinsepare slote zich hi-j bi-j aan en woeëje gaer actief bi-j  de vereiniging waere betrokke as ‘ne geïntegreerdje werkgroep van de Pinmaekers. Heure naam verangerdje ze in Junioreaafdaeling. Daomei-j gove ze te kinne det de groep neet exclusief vör aod-jeugdprinsepare bedoeldj waas.

Hede ten dage zètj de junioreaafdaeling zich neet mieër allein in vör de oetroping en abdicatie van de jeugdprinsepare, mer ouch vör de vereiniging. Zoeë as ’t helpe bi-j allerlei activiteite en ’t heet de verkoupe van de gezèt. 

Op dees meneer raaktj de junioreaafdaeling vertrouwdj en geïntegreerdj bi-j de Pinmaekers. Mèt anger weurd: Weem de jeugd heet, toekómst. 

 

  • Coördinator: Marlie Schroën 
  • Begeleiding: Amy Rijkers