Nows

Deelnemers optocht 2018
Hoeege onderschei-jing vör Wil Knapen.
"Ut Pinmaekerke"

Foto's

Hoeege onderschei-jing vör Wil Knapen.

Zondigmiddig 7 november 2018 is de Groeëtorde van Verdeenste oetgereiktj aan Wil Knapen.
Ut is vör de ieerste kieër det V.V. de Pinmaekers dees hoeege onderschei-jing oetreike.
De groeëtorde is vör persoene welke zich zieer lange tieëd hebbe ingezatte vör V.V. De Pinmaekers en/of de vastelaovundj in Limburg en Ni-jwieërt in ut beejzundjer.



Wil Knapen heet völ beteikendj vör de jubilerendje vereiniging.
Wil is unne persoeën op de achtergrondj, mer as ut noeedig is, kujje as vereniging altieed ein beroep op um doon.

Heroprichting
De decorandes is ein van de her oprichters van VV de Pinmaekers, en stong in 1973 aan de weeg van de huidige vereiniging.
In 1969 waas Wil Prins van de “”aoj vereiniging” en vervuldje van 1970-1972 de rol van vorst.
In de heropgerichte vereiniging vervuldje Wil diverse take, hae waas betrokke beej de prins keuze, schreef de proclamatie, en waas nauw betrokke beej vastelaovundj gezet “De Pinmaeker”
In 1996 heet Wil ein tieëdje zitting genome in ut Interim bestuur.
Wil heet bienao 30 jaar mei-j gedaon aan de bonte aovundje in Ni-jwieërt, met sketches, mer vöral as Buutreedner.
In 1988, 1990  en 2005 is Wil Limburgs Buutekampioen gewore en in det zelfdje jaor is hae beneumdj tot Doctorandus Humoris Causa aan Narren universiteit Limburg.

Vanaaf 2008 verzorgtj Wil same met René Knapen eine buutecursus in Ni-jwieërt.
Wil maaktj ouch dael oet van ut bestuur van de LVKA.
Al völ jaore is Wil ein trouw jurylid van de groeëte Ni-jwieerter Optocht.

Diverse titels

Wil is Ieërelid van V.V. de Pinmaekers en ontving in 1999 de Orde van de Pinmaekers, wieëter is hae drager van de kolderpin, De Jan van der Croeën ieëremedaille en is beneumdj tot Ridder in de Orde van Oranje Nassau. Sinds 1990 is Wil betrokke beej de sleuteloverdracht en is ieereburger van Ni-jwieërt.