Nows

"Ut Pinmaekerke"
Det Geveul schlager Ni-jwieërt 2018
Oetslaag Jubileum loterij

Agenda

5 januari 2018
6 januari 2018
7 januari 2018

Foto's

Veurwoord Vorst Ron.

Leef Pinmaekerinnekes en Pinmaekers.

Allerieerst wil ich oos Prinsepare en adjudante van ut veurig sezoen te wete Prins Ron I met zien prinses Nathalie, adjudante William, Frank en Joep en Jeugdprins Jurn I en Jeugdprinses  Lizzy en adjudant Bram hertelik bedanke det ze veurop gegange zeen met os Vastelaovendjvereiniging in Ni-jwieërt

Ut waas weer ein fantastisch sezoen waat vae met z’n alle belaefdj hebbe en gae zeetj d’r hieëlemaol vör gegange.

Ut veurig sezoen haajje vae ein Lank sezoen,en ondanks det oos prinsepaar ut drök haaj met eur eige bouwbedrieef hebbe ze same met eur twiee wichter Tes en Tuur en de adjudante d'r ein geweldjig seizoen van gemaaktj.

Jeugdprinsepaar

Mer zeker ouch oos jeugdprinsepaar met eure adjudant en jeugdraod deejje neet onger vör de groeëte collega. Overal hebbe ze zich netjes gepresenteerdj en ginge ze veurop in de Ni-jwieërter vastelaovendj. 

Schoeën momente

Vae hebbe met allebei oos prinsepare völ schoeën momente en hoeegtepunte gehadj Dinktj o.a.aan d’n optocht op vastelaovundj maondjig, wao vae ut net druug hebbe gehojje.

Zöstervereiniginge

Ouch zeen vae d’r gruuets op det vae eine hieële gooje band hebbe met oos zöstervereniginge. 

Opening van ut seizoen

Waat zeker ein hoeegte punt is vör oos vereniging is de opening van ut vastenlaovundj seizoen op de 11 van 11 Dan waere de now pekskes van oos dansmarietjes gepresenteerd, mer ouch oos juniore zulle in ein now outfit verschieëne, mer dao is nog mieër…..

Jubileumbeer

Speciaal vör oos jubileum hebbe vae ein jubileumbeer laote brouwe, waat op de 11e van de 11e wurtj gepresenteerdj, en vervolgus op divers plaatse verkrieegbaar is.

Jubileumprogramma

Dao zeen weer diverse evenemente op touw gezatte, en gae waerdj regelmatig oppe huuegdje gehaoi-je van oos activiteite.En dan neteurlik oos 4 x 11 jaorig jubileumfieëst, waat vae same met uch wille veere van 22 t/m 26 november. Kieektj heej oppe site vör ut komplieete programma

Nowe prinsegezelschappe

Ouch vör dit sezoen zeen vae d’r weer in geslaagdj um ein paar schoeën prinsegezelschappe aan uch te prissenteere De now prinsenpare staon al in de startblokke um as jubileumpare veurop te gaon in de Ni-jwieërter vastelaovundj, komtj allemaol op 26 november nao de oetroping.

Extra activiteite

Mer vae hebbe nog völ mieër in petto Op 14 november organiseere vae de veuuronde van ut Groeët Limburgs Buutekampioenschap en op 5 Januari 2018 ut Midde Limburgs Leedjes Festival 2018

Danke, danke

Dao zeen weer völ vri-jwilligers drök bezig met alle veurbereidinge van de activiteite um Ni-jwieërt weer oppe kaart te zette. Mer ouch de sponzore laote os neet in de steek. Ich zooj ederein persoenlik wille bedanke, mer det zeen d’r te völ.

Mer beej deze alvast danke, danke, danke

Vae zeen os

Gaotj d’r van geneete ut komendj Vastelaovundjs-sezoen en vae zeen os op ein van oos activiteite Restj mich uch nog tow te winse ein geweldjig Vastelaovundjs sezoen.

Allemaol ein,  allemaol pin

Vorst Ron