In ein vol Pinmaekers Pelieës is zondigmiddig 22 november 2026 ‘t nowe
jeugdprinsepaar van Ni-jwieërt 2027 gepresenteerdj.

Ut jeugdprinsepaar zal in 2027 waer gevormdj door jeugdprins Kasper Ie (Sieben) en jeugdprinses Senna (Veltrop).

Ut jeugdpaar zal waere bi-jgestange door de adjudante Mies (van Meel) en Tess (Wijen)

Jeugdprins Kasper I (12 jaor) is de zoon van Ivo en Monique Sieben.
Same met zien aojers en broor Sjuul woeëntj hae oppe Hulseweeg in Budschop.
Jeugdprins Kasper zitj in groep 8 van IKC Budschop en zieën hobbies zeen: Vastelaovendj veere, voetballe bi-j de Eindse Boys, Jong Nederland Budschop, Keyboard les volge bi-j Rick Rockplein en laeze.

Jeugdprinses Senna (12 jaor) is ein dochter van Ivo Veltrop en Maartje Veltrop-Poell.
Senna woeëntj same met eur aojers en broor Milan aan de koperslager oppe Hoebeakker. Jeugdprinses Senna zitj in groep 8 van IKC De Kerneel.
Eur hobbies zeen voetballe in ein combinatie team van Eindse Boys, Merefeldia en RKSVO, Skieën (mer neet met de vastelaovendj), en neteurlik vastelaovendj veere. 

Jeugd adjudant Mies (11 jaor) is de zoon van Rick van Meel en Marlous Verboogen.
Same met zieën aoj-jers, zus Pien en eure Bulldog Zen, woeëntj hae op de Arishook in Schoor.
Mies zitj in groep 8 van OBS de Klimop.
Mies voetbaltj bi-j Merefeldia in JO13-2 en deut aan taekwondo bij Soo bak Gi in Doospel.
Wieëter hiltj hae van motorcrosse, game, vesse en d’r op oet gaon met vrindje.
Neteurlik moog vastelaovendj veere in dit ri-jke neet ontbraeke!

Jeugd adjudant Tess (11 jaor) is ein dochter van Ron Wijen en Nathalie Daverveldt en ze heet eine aojere broor Tuur en same woeëne ze op de Panneweeg in Ni-jwieër
Tess zitj oppe OBS de Klimop, spriktj gaer aaf met vriendinne, en kumtj ’t leefst zoë laat meugelik nao hoeës.
Boeëte de vastelaovendj is Tess völ in de sporthal te vinge wao ‘t handbaltj bij Meos in de D en ’t leefst in de gaol stieët

Ut jeugdpaar zal de Vastelaovendj 2027 in Ni-jwieërt veurgaon onger ‘t devies: 
Met oze jeugdraod en dit fieëstkwartet
Waerdj deze vastelaovendj kei vet

Ut jeugdpaar heet de orde van ’t fieëstkwartet ingesteldj

Receptie
Ut jeugdpaar zal op Zaoterdig 9 januari 2027 ein receptie waere aangebooje in
’t Pinmaekers Pelieës De Pinnenhof van 18.00 – 20.30 oor, aansloeëtendj is ‘t groeët fieëst.