Skip to content

Juniore aafdaeling 

Aan ’t indj van de veurige ieëuw besloot V.V. de Pinmaekers um de jeugd (10-12 jaor) mieër bi-j de vereiniging te betrekke.
‘n Groeët succes waas ‘t oetrope van ut ieërste jeugdprinsepaar in 1999 met eur adjudante en
Raod van Elf.  En det is tot op de daag van vandaag zoeë gebleve. 

In de loup van de jaore krege verschillendje aod jeugdprinsepare weer contact met dein danger.
En toen begos ’t geveul bi-j mennigein weer te kriebele en woort de bandj met de Pinmaekers weer aangehaaldj.

De aod-jeugdprinsepare woeëje zich zelf mieër  gaon inzette vör de jeugdvastelaovendj.
En vanaaf det moment organiseerdje ze de oetroping en abdicatie van ’t nowe jeugdprinsepaar.
Dit woort gedaon onger de naam Ni-jwieërter Aod Jeugd PrinsePare Parti-j (NAJPPP).

Op ’n gegaeve moment hebbe ze eure naam verangerdj in Juniore aafdaeling, daomei-j gove ze te kinne det de groep neet exclusief vör aod-jeugdprinsepare bedoeldj waas.
Völ juniore slote zich aan bi-j oos vereiniging en inmiddels hebbe vae 27 junior-lede

De juniore zeen neet mieër weg te dinke en zeg now zelf:  “Weem de jeugd heet, heet de toekomst”.  

  • Coördinatore: Monique en Harm Kuijpers 
  • Begeleiding: Minke Kneepkens, Vera Kirkel10-

Sponzore