Prins Frank I en Prinses Loes gaon veurop in 2023

In eine volle Pinnenhof hebbe de Pinmaekers zondagmiddag 20 november 2022 de
now prinsenpare 2023 gepresenteerdj.

Nowe Prins
As nowe prins van Ni-jwieërt is de 43-jaorige Frank van Heugten gepresenteerdj.
Prins Frank I is getrouwdj met zieën 38-jaorige prinses Loes van Heugten van de Voort.
Same hebbe ze dri-j wichter, Roos, Sem en Tijn en woeëne op de Montgomerystraot in
Ni-jwieërt.

Vastelaovendj veere met de paplepel ingegaeve.
’t Körsvörse prinsepaar weitj waat vastelaovendj veere is en geniete volop van de
Ni-jwieërter vastelaovendj.
Prinses Loes fungeerdje in 2020 nog as moder van de broedegom tiedes de jaorlikse borebroeleft.
Mer ouch ginge de aojjers van prinses Loes, Adrie en Lenie van de Voort in 2000 veurop as
prinsepaar van V.V. De Pinmaekers, en dochter Roos is dansmarietje bi-j de Ni-jwieërter Pinkus.

Werk en hobby’s
In ut dageliks laeve is Frank werkzaam bi-j de ING bank in Eindhoven.
Loes werktj bi-j Kindcentrum de Hummelhoeve in Ni-jwieërt.
Ut prinsepaar heet verschillendje hobby’s.
Frank speultj in ‘t ieërste hieëre team en is ouch trainer/coach van MEOS E1, t team
wao dochter Roos in speultj.
Loes heet ouch fanatiek gehandbaldj, mer is inmiddels overgestaptj op tennis.
Naeve actief handballe vervölt Frank binne MEOS nog verschillendje functies en is daonaeve
penningmeister van ‘t CDA in Ni-jwieërt.
In de zomer gieët ‘t gezin gaer op vakansie nao Kroatië.

Adjudante
Ut prinsenpaar zal waere begeleidj door 3 adjudantn en eur dames te wete:
Martin Vossen enEls Vossen-Metsemakers, Rob Gabriëls & Judith Hoovers en
Gunther Hermans & Rianne Schwillens.

Devies
De prins zal ‘t seizoen veurgaan onger zieën devies:

Met dees daag geine bal in de handj,
mer same fieëste in ut Pinnelandj.

Hoeësorde
Prins Frank heet “De Orde van het Wisselbenkske” as hoeësorde ingesteldj.

Op zondig 8 januari 2023 zal aan ’t prinsepaar ein receptie waere aangebooje in
De Pinnenhof van 13.11 tot 16.49 oor 

Jeugdprins Goof I en jeugdprinses Lana gaon veurop in 2023

In eine volle Pinnenhof hebbe de Pinmaekers zondagmiddag 20 november 2022
’t nowe jeugdprinsepaar 2023 gepresenteerdj.

Jeugdprinsepaar 2023
Ut jeugdprinsepaar zal in 2023 waere gevormdj door jeugdprins Goof I (Verheijen) en jeugdprinses
Lana (Coolen).

Jeugdprins Goof I is 10 jaor en is de zoon van Rolf en Danielle Verheijen
Goof woeëntj same met zieën pap en mam en zusje Pom in de Azaleastraot in Ni-jwieërt.
Jeugdprins Goof zitj in groep 7a van IKC De Kerneel en zieën hobby’s zeen:Vastelaovendjveere, gitaar speule, basketballe, tovere en lekker oet aete.

Jeugdprinses
Jeugd prinses Lana is 12 jaor en is ein dochter van Leon en Lilian Coolen
Same woeëne ze in de Geenestraot in Ni-jwieërt.
Lana zitj in groep 8 van Basisschool De Bongerd en eur hobby’s zeen:
zinge, piano speule, Jong Nederland en vastelaovendj veere.

Adjudant
Ut jeugdprinsepaar zal waere bi-jgestange door adjudant Noud Meulen.
Noud woeëntj samen met zieën mama Sanne, bonuspapa Don en breurke Raf op
Tichelveldj.
Op verschillendje daag is hae ouch te vinge in ‘t Brökwagtersrieëk  wao
zieën papa Sander, bonusmama Evelien, breurke Wes en zusje Linn woene.
De adjudant zitj in groep 8a van IKC De Kerneel  en heet as hobby’s 
vastelaovendj veere, voetballe bi-j Merefeldia, Turne bi-j Tensor in Wieërt,
Wieëter  speultj hae gaer piano en maaktj vlogs vör zien Youtube kanaal.

Ut jeugdpaar zal de Vastelaovendj in Ni-jwieërt veurgaon onger ‘t devies: 

Meziek zitj os alle drei-j in ut blood.
Fieëste en tampieëste kinne vae kei-j good!  Alaaf

Ut jeugdpaar heet de orde van: De vrolikke noeët ingesteldj. Ut jeugdpaar zal op zaoterdigmiddig 14 januari 2023 ein receptie waere aangebooje in de Pinnenhof van
18.00 – 20.30 oor, aansloeëtendj is ‘t groeët fieëst.

Blaere nowe schlager 2023

Zondigmiddig 20 november 2022 woord vör de 28e kieër ‘t Ni-jwieërter Vastelaovundj festein gehojje.
Tekst en meziekschrieëvers haaje weer eur oeterste best gedaon en
fantastische nömmers gecomponeerdj.

De Winnaar
Ut winnendj liedje van ‘t 28e lidjes festein is gewore Blaere
De  tekst en muziek is geschreve door Huib van Deursen
Ut nömmer woord oetgeveurdj door Djuu Toch (Peter Dehing en Hayke Wijen)

Op de twieëdje plaats eindigdje ‘t nömmer Oze vastelaovendj is van goud,
oetgeveurdj door DZN.

De gedaelde derde plaats waas vör De Ni-jwieërter Ladies met
‘t nömmer Neet good wieës en Celine met Det Krieëgse der neet oet.

Borebroedspaar 2023

Traditioneel is tieëdes de opening van ut vastelaovendj seizoen op Lambertushof ut
Borebroedspaar van Ni-jwieërt gepresenteerdj.
Ut borebroedspaar en femilie vör 2023 is:

Broed:

Esmee van Deursen: Esmee van Huib van Jan van de köster en Berthy van meister Koppen en Angelique van Jos van Tieske en Toos van Thei oet Wieërt.

Broedegom:

Michel van Aert: Michel van Fons van Alphonsius en Nelly van Aert van Bommel en van Angelique van Mies en Maria van Ooij van Deursen.

Aojers broed:

Loes van der Wallen: Loes van Lilian van Zus van Moeënes Lieen en Wiet Sonnemans en van John van Lies van Koelmus Harrie en Hennie van der Wallen

Maikel Huijerjans: Maikel van Peter van Wup Huijerjans en Toeta Driekske en

van Sonja van Jan van Tjeu van Wils en van Mia van de witte van Luuëke

Aojers Broedegom:

Kiki Snels: Kiki van Frans van Guus Snels en van Adrie van Anton de Haas

Kevin Konings: Kevin van Henry van Twan van Nieze Harry en van Anja van Tjeu van Drees van de koleboor

Getuuge broed:

Sven Lemmers: Sven van Mart van Frans en An van Haps en Monique van Bér en Toos van de Smeed

Femke Duijvesz: Femke van Hans Duijvesz en Bep van Lies Guns Toussaint

Getuuge broedegom:

Dirk Pellemans: Dirk van Eric van Tjeu van Pellemans en Hermine van Martien de Zwart

Sam Thijssen: Sam van Wim van Timmers Giel en Fie Vissers en Riny van Loumis Doortje en Wiel van Hein.           

De borebroeleft zal waere gehojje op zaoterdig 11 februari 2023

Receptie vör jeugdprinsepaar Goof I en Lana

Op zaoterdig 14 februari 2023 zal aan ut 24e jeugdprinsepaar jeugdprins Goof I
en zieën jeugdprinses Lana van V.V. de Pinmaekers oet Ni-jwieërt ein receptie waere  aangebooje.

De receptie zal plaatsvinge van 18.11 tot 21.11 oor in De Pinnenhof Kapelaniestraot 4 in Ni-jwieërt.

Aansloeëtendj is d’r groeët fieëst met ‘ne DJ

Prins Goof I en Prinses Lana waere in de regeerperiode bi-j gestange door jeugd adjudant Noud

Ut jeugdpaar zal de “Vastelaovendj” in Ni-jwieërt veurgaon onger ‘t devies: 

Meziek zitj os alle drei-j in ut blood.
Fieëste en tampieëste kinne vae kei-j good!   Alaaf

Ut  jeugdpaar heet de orde van de vrolikke Noeët ingesteldj