In ein vol Pinmaekers Pelies De Pinnenhof is zondigmiddig 22 november 2026
de nowe prins van Ni-jwieërt 2027 gepresenteerdj.

Nowe prins
As 51e prins van Ni-jwieërt is de 47-jarige Bas van der Horst gepresenteerdj.
Prins Bas I woeëntj  same met zieën 45-jaorige prinses Elles van der Horst-Cremers oppe Schoordieëk op Schoor-Ni-jwieërt.
Same hebbe ze dri-j wichter, zoon Nick en eine tweëling Aukje en Lotte.

Vastelaovendj
Vör ‘t nowe prinsepaar is de Vastelaovendj gein onbekindj terrein.
Bas waas in 1992 jeugdprins bi-j V.V. De Zweeloeëre op Luuëke en prinses Elles kumtj oet ein echte vastelaovendj femilie en waas jaorelank lid van vastelaovendjgroep “De Overblieëvers”
In 2001 vormdje Bas en Elles ’t Borebroeëdspaar van Luuëke.
Vanoet Luuëk zeen ze ein paar maeter opgeschove richting ‘t Pinmaekersrieëk.

Werk en hobbies
In het dagelijks laeve runne ze same eur eige bedrieëf ELBA Electro aan de Kraanweeg in Wieërt.
Prins Bas is nauw betrokke bi-j de handbalsport as trainer/Coach bi-j Meos en Rapiditas en zelf handbaltj hae al völ jaore bi-j Meos.
Daonaeve is Bas meziekliefhebber en is hae regelmaotig te vinge bi-j concerte.
Prinses Elles is vrijwilliger bij Meos en verzörgtj o.a. de klei-jer.
Naeve handbal gieët ze gaer met vriendinne bloomschikke.
Met de körstdaag gieët ‘t hieële gezin eder jaor skiej-je in Oesterieëk.

Adjudante
Ut prinsepaar zal waere begeleidj door dri-j adjudante en eur partners te wete:
Rob & Danielle Teunissen-Kanters, Frank Veugen & Aniek van Lierop en
Robin & Chantal van Oorschot-Quanjel. 

Devies
Prins Bas I zal ‘t seizoen in Ni-jwieërt veurgaon onger zien devies:
Vol de Vastelaovendj in,
Allemaol ein, allemaol pin.

Hoeësorde
Prins Bas I heet “De Orde van ’t Lempke” as hoeësorde ingesteldj.Op zondig 10 januari 2027 zal aan ‘t Prinsepaar ein receptie waere aangebojje van 13.11 tot 16.49 oor in ’t Pinmaekers Pelies De Pinnenhof.