Lekker lache oppe bonteaovendje van Ni-jwieërt 2026
Nao ein geweldjige serie bonte aovendje van veurig jaor beloofdj ouch dit jaor weer ein spektakel te waere.
De bonteaovendje van Ni-jwieërt staon bekindj um de humor en flauwekul.
Zes veurstellinge
De serie van zes bonte aovendj waere gehojje op vri-jdig 23 januari, zaoterdig 24 januari, en zondagmiddig 25 januari 2026 en op donderdig 29 januari vri-jdag 30 januari en zaoterdig 31 januari 2026.
De aovendjveurstelling startj um 19.49 oor en de zondigmiddig veurstelling um 13.11 oor.
Alle veurstellinge zeen in ’t Pinmaekers Pelieës De Pinnenhof.
Gevarieerdj programma
Dit jaor is d’r weer ein zieër gevarieerdj programma, met völ humor en flauwekul.
Weer ‘ne aovendj aojjerwets lache, weem wiltj det now neet ?
Vastgepintj
De manne van Vastgepintj bringe ‘t stök Pauls ZEN Studio
De zelfstandige ongernemers zeen ’t gejak en gejaag meug en wille tot rust kome in Pauls
ZEN Studio.
Of dit hieëlemaol gieët lökke is mer de vraog ?
Zoe wi-j gebroekelik zörgtj de groep weer vör de noeëdige hilarische momente.
De derdje helft
De derdje helft bringtj dit jaor ‘t komische stök B & B vol leefdje
De 2 manne zeen op zeuk nao de leefdje en reize dao vör hieëlemaol nao Italië
Ze vinge de ware, mer det gieët neet zoe mer.
Onger veurbehaod
De groep Onger veurbehaod bringtj de sketch Tjeu en Lei vervaele zich
Tjeu en Lei hebbe niks te doon er vervaele zich kepot.
Mer de poetsvrouw bringtj eur op anger idee-je en dan wejje ut waal !
Dansrijck
Ouch dit jaor zal Dansrijck weer ein wervelendj optrejje met eure showdansgroep verzörge.
Juniore
De juniore van V.V. De Pinmaekers zulle ouch weer ein act opveure, en zektj now zelf weem de jeugd heet, heet de toekomst
Dit jaor bringe ze ’t stök: Vae bokse os trök
De Kernalies
De Kernalies bringe dit jaor ’t stök: De Kernalies laote zich verrasse
De vröllie hebbe de leste jaore vol gedoons ongerein, d’r waertj nogal waat aafgeknooterdj Dus de manne regele eine “verrassingsaovendj” vör de dames um de sfeer te redde, unne teambuilding zek mer.
De Kernalies hope op unne aovendj ontspanning en luxe …mer haaje de manne det ouch in gedachte?
Buuttereedners Theo Nellen / Maikel Sonnemans
Op de bonte aovendj moog de buutreedner neet ontbraeke en zal Theo Nellen / Maikel Sonnemans de zaal weer doon buldere van ’t lache.
Dansmarietjes
Neteurlik moge de dansmarietjes, De Ni-jwieërter Pinkes neet ontbraeke
Zoewaal de minore as de juniore zulle eure dans oetveure
Tis weej ut is
Tis weej ut is bringe ut stök: Vreuger waas alle Baeter
‘Ne doeëdgewoeëne zondig in ’t gezin van Sjeng, Bep en Oma luiptj iets angers as gedachtj, en gae wetj waal waat ze zegge “Vreuger was alles baeter”
Showdansgroep de Pinmaekers
Ouch showdansgroep De Pinmaekers zulle eine geweldjige showdans neerzette.
De X-fektor
Overgewejtj oet Hilversum ’t populaire programma De X-fektor oppe bonte aovendj
Ein “deskundige” zjurrie zal de deelnemer beoordaele
Zooj de deelnemer ein roeëd kruus krieëge ?
Vastelaovendjschlager 2026
De nowe schlager Vastelaovendj Waat drinke vae zal gebrachtj waere door Tegedraods.
Naeve de schlager zal d’r tieëdes de veurstelling nog volop meziek zeen.
De muzikale begeleiding is weer in hang van Hofkepel Klein Mer Neugter
De bezeukers kunne ouch kinnis make met de nowe prinsepare van V.V. Pinmaekers.
Entreekaarte
Entreekaarte koste € 16,50 en zeen zaoterdig 10 januari 2026 te koup tösse
17.00 – 18.00 oor de Pinnenhof in Ni-jwieërt.
(Betalen met QR code is meugelik, pinne kan neet)
Verkoup digitaal en bi-j Bruna
Vanaaf maondjig 12 januari 2026 gieët de verkoup wieëter digitaal via de website www.pinmaekers.nl > bonteaovendj en bi-j de Bruna Lambertushof 30 Ni-jwieërt.
(Bi-j Bruna kan neet gepintj waere)
Haotj socialmedia in de gate want vae stelle vanaaf 26 december edere daag ein van oos artieste veur