Nao ein jaor van aafwezigheid zal op zaoterdig 7 februari 2026 de Borebroeleft Groeët Ni-jwieërt plaatsvinge.
Ein now zieër bevloge comité heet dees schoeën traditie in ein fris jeske gestoke.
Weem is ‘t bore gezelschap?
Det blieëftj neuteurlik nog efkus geheim.
Weem zaoterdig um 19.15 oor in De Pinnenhof aanwezig is, maaktj ‘t allemaol live mei-j.
Ederein is welkom
Ederein is van herte welkom um same te geniete van eine oajjerwets gezellige aovendj.
Sommige inwoeëners van de Gemeindje Ni-jwieërt hebbe zelfs ein persoeënlike oetnuuediging ontvange.
Minse di-j ein persoeënlike oetnuuediging hebbe ontvange kunne d’r zeker van zeen det emus oet de femilie of kinnissekring dael oet maaktj van de borefemilie.
Kleier
Of dejje in ‘ne borekeel, ein sondigskledje ‘ne overall of in borebroeleft klei-jer komtj maaktj allemaol niks oet, mer komtj neet in eur verenigingskostuum of now vastelaovendjpekske.
Kadotip
Ein kado is absoluut neet verplichtj, ouch neet met ein persoeënlikke oetnuuediging.
Wildjae toch ein kedo mei-j bringe vör de bore femilie dan is ein vlaai, ein stök worst, kieës of wat neutjes altieëd welkom
Ut comité zörgtj d’r vör det alle broeleftsgaste gaste kunne mei-j geniete van de lekkerni-je.
Behaod van de Borebroeleft
Wildjae gaer det dees schoeën traditie blieëftj bestaon en draagdjae de Borebroeleft ein warm hert tow, dan is ein envelop met inhaod zieër welkom.
Ouch sponsoring is meugelik, neemtj gerösj contakt op met ‘t Borebroeleft comité
Bezwaore tege de verbinging in de onecht?
Neteurlik moge d’r weer bezwaore ingedeendj waere, dit blieëftj ein schoeën traditie di-j ze gaer in ieëre hojje.
Bezwaore kunne gewoeën op de aovendj zelf gemeldj waere bi-j ein van de lede van ’t comité
Fieëstelik programma
18.30 oor Bore, börgers en boetlui verzamele in de Pinnenhof
19.15 oor Bekindjmaking boregezelschap
20.15 oor Borepaar zal in de onecht waere verbonge
20.45 oor Receptie en groeëte borebroeleft met Henk van The Deejays
01.00 uur De tap gieët tow, de meziek oet en de lampe aan, ‘t fieëst is gedaon
Gae zeetj genuuëdj
Het comité hooptj d’r same met uch eine geweldjige aovendj van te make, zoedet de Borebroeleft ein fieëst blieëftj wao nao oetgekeke wurtj en dees schoeën traditie behojje blieëftj.