Zaoterdigaovendj 31 januari 2026 woord tieëdes de oetverkochdje bonte aovendj in de Pinnenhof door vastelaovendj vereniging De Pinmaekers de Groeëtorde van de Pinmaekers oetgereiktj aan Huib van Deursen.
Groeëtorde pas drei-j kieër oetgereiktj
Ut is pas vör de derdje kieër det V.V. De Pinmaekers dees hoeëg ongerscheiding oetreiktj.
De Groeëtorde is vör minse welke zich zieër lange tieëd hebbe ingezatte vör V.V. De Pinmaekers en/of de vastelaovendj in Limburg en Ni-jwieërt in ’t bezundjer.
Decorandes
De decorandes is al sinds indj jaore 80 betrokke bi-j de Ni-jwieërter Vastelaovendj.
In 1994 ging hae same met prinses Angelique bi-j V.V. De Pinmaekers veurop als Prins Huib I.
Lidjesfestein
Huib is ein van de grondleggers van ’t Ni-jwieërter liedjesfestein.
Al mieër dan 30 jaor betrokke bi-j de organisatie en teves schrieëver van völ vastelaovendj schlagers.
Bestuur
Huib heet ruum 15 jaar dael oetgemaaktj van ‘t bestuur van V.V. De Pinmaekers waovan 9 jaor as veurzitter en daonao ein aantal jaore as vice veurzitter.
Bonte aovendje
Huib heet ein groeëte staat van deenst vör de bonte aovendje, hae is coördinator, en daomei-j de drieëvendje kracht achter de bonte aovendje.
Daonaeve is Huib jaorelank presentator gewaesj van de bonteaovendje
As bonte aovendj artiest heet hae eine lange staat van deenst.
In de ieërste jaore as schrieëver vör de Notekrakers en inmiddels al 12 jaor met de groep Vastgepintj.
PR
Huib is al geruume tieëd verantwoordelik vör PR & Communicatie van V.V. de Pinmaekers
Ongerscheidinge
In 2011 is aan Huib de Kolderpin oetgereiktj en in 2017 is hae beneumdj tot Lid in de Orde van Oranje-Nassau mede vör zieën verdeenste vör de Ni-jwieërter Vastelaovendj.