Vastelaovendjvereiniging de Pinmaekers is verheugdj over ’t aantal deelnemers aan de optocht welke op maondjig 16 februari 2026 door de straote van Ni-jwieërt zal trekke.
Dit jaor zeen d’r 35 inschrievinge binnegekome, en neme mieër as 500 persoeëne dael aan de optocht.
Opvallendj is dit jaor ’t aantal groeëte groepe en praalwages.
Praalwages
Ouch dit jaor zeen d’r weer völ groeëte praalwages te bewongere van o.a.
V.V. De kakelkoeëij, V.V. 1onger1, V.V. De Paersbak, V.V. Oke en V.V. Gewoeën Gaon
Neteurlik trekke diverse (prinse) wages mei-j, zes groeëte groepe, ein middegroep
diverse klein groepe en einlinge.
Ouch de jeugd is good vertegewoordigdj met 4 groeëte groepe en twieë kleine groepe
Diverse kapelle en meziekgezelschappe make de optocht 2026 complieët.
Ter huuegdje van ’t horecaplein zal d’n optocht op humoritische wieëze veurzeen waere van kommentaar door Hans Caris en Daan Knapen.
Ophale optocht nömmers zaoterdig 14 februari 2026
De deelnemers kunne op zaoterdig 14 februari tösse 11.00-12.00 oor eur startnömmer ophale bi-j Dansrijck Kerkstraot 87 in Ni-jwieërt
Start optocht um 14.30 oor
De optocht startj maondjig um 14.30 oor en zal de volgendje route volge:
Rochusplein, Budschop, Bernhardstraot, Ospelseweeg, St. Rochusstraot, Brökstraot, Gieënestraot, Loverstraot, Burgemeister Greijmansstraot, Kapelaniestraot, Pastorieweeg, Schoolstraot, wao de ontbinging zal plaatsvinge.
Letj op ivm de huuegdje schuuve ein aantal praalwages pas in op de kruusing Ospelseweeg/St Rochusstraot
Horecaplein
Aansloeëtendj aan de optocht gaon de Pinmaekers nao de Dölle maondjig op ’t horecaplein.
Prieësoetreiking
De prieësoetreiking voor de jeugd en de volwassene is um 20.00 oor bi-j Dansrijck, Kerkstraot 87 in Ni-jwieërt.