De vastelaovendj van 2026 lieëkt zjuust verbi-j, mer ’t nowe seizoen stieët zoë weer vör de deur. Vastelaovendjvereiniging de Pinmaekers is op zeuk nao now talent um dael te
neme aan ‘t 32e lidjesfestein 2026/2027.
Iederein dae ein bitje muzikaal is en dinktj ‘t lieëktj mich schoeën um ein
eige vastelaovendjnömmer te make en te zinge kan zich aanmelde vör ‘t lidjesfestein 2026.
Ut nowe nömmer deentj oeterlik 1 september 2026 binne te zeen.
Ut winnendj nömmer zal waere oetgerope tot Vastelaovendjschlager 2027!
Now categorie Covers
Vör ‘t lidjesfestein 2026 is ein extra categorie covers in ’t laeve gerope.
Vanaaf dit jaor moogdjae ouch deelneme met ein lidje op ein bestaondje melodie.
Maaktj met eure vriendjegroep of bure eine schoeëne tekst op ein bestaondje melodie
en neemtj dael aan ‘t ongerdael covers, en gae hooftj echt gein topzangers te zeen.
Zorgtj waal zelf vör ein gooj geluidsopname van ‘t lidje zonger tekst en zingtj met eure vriendjegroep of bure eur nömmer tieëdes ‘t 32e lidjesfestein in Ni-jwieërt.
Vör de winnaar in de catergorie covers is d’r eine extra prieës te winne en eeuwige roem.
De cover deentj oeterlik 30 september 2026 binne te zeen.
Aanmelde of vraoge ?
Des hieël gemikkelik, gae beldj gewoeën Naomi van Deursen van ut NLF op til 06-12308732
As dejje allemaol tegelieëk beltj loupdje de kans inne wachtri-j te kome, mer neet opgoeze, effe wachte en gae kuntj uch aanmelde of eur vraoge stelle
Gae moogtj ouch maile naomivandeursen1998@gmail.com
Ut Ni-jwieërter Lidjes Festein zal gehojje waere op zondigmiddig 22 november 2026 in ‘t Pinmaekerspelieës De Pinnenhof